नेपाली कांग्रेसका महामन्त्री डा. शशांक कोइरालाले संविधानमा भएको ‘धर्म निरपेक्षता’ शब्द बेठीक भएको बताएका छन्।
कांग्रेस महाधिवेशन उद्घाटन कार्यक्रममा बोल्दै उनले भने, ‘धर्म निरपेक्षता शब्द ठीक होइन। धर्म निरपेक्ष हुँदैन, न सापेक्ष हुन्छ। धर्म त स्वतन्त्र हुन्छ।’
संविधानमा केही त्रुटि भएको उल्लेख गर्दै उनले भने, ‘संविधान लकिरको फकिर हुँदैन। परिवर्तनीय हुन्छ ।’
हाइड्रो, कृषि र पर्यटन हाम्रो शक्ति भएको भन्दै सरकारको ध्यान त्यसतर्फ जानुपर्ने उनको भनाइ थियो।
उनले जारी महाधिवेशनबाट कांग्रेसको नेतृत्वमा अब युवाहरु आउने बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।