कांग्रेस सभापतिको दौडबाट पछि हटे गोपालमान श्रेष्ठ
फरकधार / २५ मंसिर, २०७८

संस्थापन पक्षबाट सभापति पदको दाबी गरिरहेका नेता गोपालमान श्रेष्ठ पछि हटेका छन् । उनको सचिवालयका अनुसार सभापति शेरबहादुर देउवा फेरि सभापति हुने गरी अघि बढेपछि श्रेष्ठ पछि हटेका हुन् । 



देउवाले आज बिहान १० बजेपछि सभापति पदमा मनोनयन दर्ता गर्ने तयारी गरेका छन् । 

नेता श्रेष्ठले देउवालाई पटकपटक सहयोग गरेको भन्दै यसपटक देउवाकै समर्थनमा सभापति पदमा उम्मेदवारी दिने इच्छा रहेको फरकधारलाई बताएका थिए । तर, आफ्नै गृह जिल्ला स्याङ्जामा हालै सम्पन्न पार्टीको अधिवेशनले  उनको प्रभाव घट्दो क्रममा रहेको देखाएको थियो ।



अब सभापतिको दाबेदारीबाट पछि हटेका श्रेष्ठलाई देउवाले कुन पदमा व्यवस्थापन गर्लान् टुंगो लागेको छैन । उपपप्रधानमन्त्री समेत भएका श्रेष्ठले पार्टीको उपसभापतिको जिम्मेवारी सम्हालिसकेका छन् । 




  • प्रकाशित मिति : मंसिर २५, २०७८ शनिबार ९:२:५१,   अन्तिम अपडेट : मंसिर २५, २०७८ शनिबार ९:४:२५

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
मल्टिमिडिया