नेपाली कांग्रेसको निर्वाचन समितिले बैठक बोलाएको छ । समितिले पार्टी केन्द्रीय कार्यालय सानेपामा बैठक बोलाएको हो । बैठक केही बेरमा सुरु हुँदैछ ।
स्रोतका अनुसार बैठकले आज उपसभापति पदको उम्मेदवारको मात्र मतगणना गर्ने निर्णय गर्ने सम्भावना छ । गएराति सम्पन्न दोस्रो चरणको सभापति पदमा शेरबहादुर देउवा निर्वाचित भएपछि निर्वाचन समितिले बाँकी पदाधिकारीको मतगणना पनि आजै गर्ने तयारी गरेको थियो ।
तर, आज उपसभापति पदको मात्र मतगणना गर्ने विषयमा बैठकमा छलफल हुने बताइएको छ । कांग्रेस १४ औँ महाधिवेशनमा चार हजार ७४३ महाधिवेशन प्रतिनिधि रहेका थिए ।
१ सय ३२ पदका लागि ४८७ उम्मेदवार चुनावी प्रतिस्पर्धामा छन् । मतदानका लागि राष्ट्रियसभा गृहमा एक स्थान र भृकुटीमण्डपमा दुई स्थानमा मतदानको व्यवस्था गरिएको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
