नेपाली कांग्रेसको १४ औँ महाधिवेशन अन्तर्गत उपसभापति पदका लागि भएको निर्वाचनको मत गणना जारी छ ।
अहिलेसम्म ६०० मत गणना भएको कांग्रेस केन्द्रीय निर्वाचन समितिले जनाएको छ । सानेपास्थित पार्टीको केन्द्रीय कार्यालयमा भएको मत गणनामा उपसभापतिका उम्मेदवार धनराज गुरुङले अग्रता लिएका छन् । उनले २५८ मत प्राप्त गरेका छन् ।
उनलाई पूर्णबहादुर खड्का र विजयकुमार गच्छदारले समान २४६ सहित पछ्याइरहेका छन् । डा. चन्द्र भण्डारीले २१५ मत ल्याएका छन् ।
उपसभापतिमा शेरबहादुर देउवा प्यानलबाट गच्छदार र खड्का उम्मेदवार छन् । त्यस्तै, शेखर कोइराला प्यानलबाट भण्डारी र गुरुङ उम्मेदवार रहेका छन् ।
सभापतिका अर्का आकांक्षी प्रकाशमान सिंह प्यानलबाट सुजाता कोइरालाले उपसभापतिमा उम्मेदवारी दिएकी छिन् ।
अनि महेश आचार्यले पनि उपसभापतिमा उम्मेदवार दिएका छन् । उनले स्वतन्त्र रूपमा उम्मेदवारी दिएका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
