दिल्लीमा मसाज केन्द्रमा लगाएको प्रतिबन्ध उच्च न्यायालयले उल्ट्यायो
फरकधार / २ पुस, २०७८

दिल्लीमा विपरित लिंगीबीच हुने मसाज केन्द्रमा सरकारले लगाएको प्रतिबन्धलाई दिल्लीको उच्च अदालतले रोक्न आदेश दिएको छ । 



सरकारले लगाएको प्रतिबन्धमाथि परेको मुद्दाको सुनुवाइ गर्दै उच्च अदालतकी न्यायाधीश रेखा पालीले स्पा र मसाज केन्द्रमा लगाइएको अकस्मातको प्रतिबन्धले त्यस क्षेत्रमा काम गर्ने हजारौं मानिसहरू प्रभावित हुने भन्दै प्रतिबन्ध रोक्न आदेश दिएकी हुन् । 

‘विपरित लिंगीबीच हुने मसाजमाथिको पूर्ण प्रतिबन्ध मसाज उद्योग नियन्त्रण गर्ने नीतिसँग कुनै सम्बन्ध छैन,’ फैसलामा भनिएको छ । प्रतिबन्ध लगाउनुभन्दा पनि सरकारले मसाज उद्योगमा गैरकानुनी तस्करी र वेश्यावृत्ति छैन भन्ने सुनिश्चितता गर्नुपर्ने फैसलामा जनाइएको छ । 

मसाज हाउस वेश्यावृत्तिको रूपमा रूपान्तरण भएको भन्दै केही महिनाअघि दिल्ली सरकारले प्रतिबन्ध लगाएको थियो । मसाज गर्ने बहानामा गोप्य यौन धन्दा सञ्चालन भएको र त्यस्ता गतिविधिमा एउटा गिरोह नै सक्रिय भएको सरकारले बताउँदै आएको छ ।



तर, मसाज गृह बन्द गर्दा यसले धेरै मानिसको जीविकोपार्जनमा असर गर्ने अदालतको फैसलामा उल्लेख छ । दिल्लीमा दशौं हजार मसाज र स्पा सेन्टरमा लाखौं मानिसले रोजगारी पाएका छन् । तर, मसाजको बहानामा यौन धन्दा चलाएको ती सेन्टरमाथि आरोप लाग्दै आएको छ । 

  • प्रकाशित मिति : पुस २, २०७८ शुक्रबार ९:९:२१,   अन्तिम अपडेट : पुस २, २०७८ शुक्रबार ९:१४:५६

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया