साफ यू-१९ महिला फुटबल च्याम्पियनसिपअन्तर्गत शुक्रबारकाे खेलमा नेपाल विजयी भएकाे छ ।
नेपालले बंगलादेशको ढाकामा भुटानमाथि ४-० काे फराकिलाे जित हात पारेकाे हाे ।
नेपालकाे जितमा मेनुका आले मगरले २ तथा कुसुम खतिवडा र रजनी थोकरले १-१ गोल गरे ।
मेनुकाले खेलको दोस्रो मिनेटमै नेपाललाई अग्रता दिलाएकी थिइन् ।
१८ औँ मिनेटमा कुशुमले नेपालको अग्रता दोब्बर बनाइन् ।
र २१ औँ मिनेटमा रजनीले गाेल गर्दा नेपाल ३-० ले अघि बढ्याे ।
मेनुकाले ७२ औँ मिनेटमा व्यक्तिगत दोस्रो तथा टाेलीका लागि चौथो गोल गरेपछि नेपालले सहज जित हात पारेकाे हाे ।
भुटानमाथिको जितसँगै तीन खेलमध्ये दुईमा जित र एकमा बराबरीको नजिता निकाल्दै सात अंक जोडेको नेपालले फाइनल सम्भावना बलियाे बनाएकाे छ ।
४ खेलमा एक मात्र जित निकालेकाे भुटान भने प्रतियाेगिताबाट बाहिरिएकाे छ ।
नेपालले अब आफ्नो अन्तम खेल १९ डिसेम्बरमा भारतसँग खेल्नेछ । यही खेलको नतिजाले नेपालको यात्रा टुंगो लगाउनेछ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।