फ्रान्सका प्रधानमन्त्री जिन कास्तेक्सले आगामी वर्षको सुरुमा कोरोनाको ओम्रिकोन भेरियन्टले युरोपमा गम्भीर असर गर्ने चेतावनी दिएका छन्। कोरोना भाइरसको नयाँ भेरियन्ट ओमिक्रोन युरोपेली मुलुकमा बिजुलीको गतिमा फैलिरहेको उनको दाबी छ ।
प्रधानमन्त्री कास्तेक्सको यस्तो चेतावनीसँगै फ्रान्सले बेलायतबाट आउने यात्रुलाई यात्रामा प्रतिबन्ध लगाएको छ। हालसम्म सबैभन्दा बढी ओमिक्रोन संक्रमण फेला परेका देशको सूचीमा बेलायत पहिलो नम्बरमा छ । जहाँ शुक्रबार मात्रै १५ हजार जनामा ओमिक्रोन संक्रमण देखिएको छ ।
युरोपमा हालसम्म १५ लाख मानिसको मृत्यु भएको छ। यस्तै, कोभिड–१९ संक्रमण पुष्टि हुनेको संख्या ८ करोड ९० लाख पुगेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
