पाकिस्तानको आर्थिक राजधानी कराँचीमा शनिबार लगातार दुईवटा विस्फोट हुँदा १४ जनाको मृत्यु भएको छ भने अन्य धेरै घाइते भएका छन् ।
भग्नावशेषमा फसेका मानिसको उद्धार भइरहेको बताइएको छ । उद्धार कार्यमा संलग्न टोलीसँगै पाकिस्तानी रेन्जर्स र प्रहरी पनि घटनास्थलमा छन् । विस्फोटमा परेर घाइते भएकाहरूको जिन्ना पोस्ट ग्रेजुएट मेडिकल अस्पतालमा उपचार भइरहेको छ ।
पाकिस्तानी सञ्चारमाध्यमका अनुसार कराचीको शेरशाह क्षेत्रको पराचा चोकनजिक दिउँसो १:३० बजे विस्फोट भएको थियो । विस्फोटबाट एउटा निजी बैंकको भवन भत्किएको छ । भवनको ठूलो हिस्सा नालामा भासिएको बताइएको छ ।
दोस्रो विस्फोट उद्धार कार्यका क्रममा भएको हो । विस्फोटबाट भवन नजिकै पार्किङ गरिएका सवारी साधनमा क्षति पुगेको छ । जेसिबीको सहयोगमा उद्धार कार्य भइरहेको छ ।
कराँची दक्षिण क्षेत्रका डीआईजी शर्जिल खरालले ग्यास लिक भएर विस्फोटको भएको हुन सक्ने बताएका छन् । उनले विस्फोटबाट भत्किएको बैंकको भवन अवैध रूपमा निर्माण भएको बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
