पत्रकार अजयबाबु शिवाकोटी नेपाली कांग्रेसको केन्द्रीय सदस्यमा निर्वाचित भएका छन् ।
दोलखाबाट महाधिवेशन प्रतिनिधिमा चुनिएका शिवाकोटी कांग्रेसनिकट प्रेस युनियनका सचिव पनि हुन् ।
शिवाकोटी नेपालका दुई कम्युनिस्ट नेताको पद खुस्काउने पत्रकारका रुपमा चिनिन्छन् ।
पूर्वसभामुख कृष्णबहादुर महराको ‘यौनकाण्ड’ र पूर्वमन्त्री गोकुल बाँस्कोटाको ‘७० करोड काण्ड’ उनले आफूसम्पादक रहेको हाम्रा कुरा डटकमबाट पर्दाफास गरेका थिए ।
यद्यपि, महराले अदालतबाट सफाइ पाइसकेका छन् भने बाँस्कोटाको टेप प्रकरण अझैसम्म छानबिन भएको छैन ।
कांग्रेसका नवनिर्वाचित महामन्त्री गगनकुमार थापानिकट शिवाकोटीले कांग्रेसको पूर्णकालीन राजनीतिमा लागेपछि पत्रकारका रुपमा लिएका पद छाडेका छन् ।
कांग्रेसको १४औँ महाधिवेशनमा शिवाकोटीले १३७३ मत पाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
