फिलिपिन्समा आइतबार आएको भयानक आँधीमा परी हालसम्म ३७५ जनाको मृत्यु भएको छ ।
लगभग १९५ किलोमीटर प्रतिघण्टाको गतिमा आएको आँधीका कारण फिलिपिन्सको दक्षिणपूर्वी क्षेत्रका ४ लाखभन्दा बढी जनता प्रभावित भएका छन् ।
स्थानीय प्रहरीका अनुसार आँधीका कारण कम्तिमा पनि ५ सय मानिस घाइते भएका छन् भने ५६ जना हाल वेपत्ता रहेका छन् ।
धेरै स्थानमा सञ्चार विच्छेद भएका कारण क्षतिको विवरण अझै आउन बाँकी रहेको जनाइएको छ । आँधीपछि आएको पहिरो र बाढीले पनि ठूलो जनधनको क्षति गरेको अनुमान गरिएको छ ।
‘कयौं क्षेत्रमा बिजुली छैन, सञ्चार छैन र पिउने पानी पनि ज्यादै कम छ,’ फिलिपिन्स रेडक्रसका अध्यक्ष रिचर्ड गार्डनले भने ।
(बिबीसीबाट)
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
