दिल्लीमा ओमिक्रोनको त्रास : क्रिसमस र नयाँ वर्षमा पार्टी गर्न रोक
फरकधार / ८ पुस, २०७८

भारतको दिल्लीमा क्रिसमस र नयाँ वर्षको अवसरमा कुनै पनि ठूला कार्यक्रम गर्न रोक लगाइएको छ । यस्तो रोकको निर्णय  दिल्ली डिजास्टर म्यानेजमेन्ट अथोरिटीले गरेको हो । 



कोरोना संक्रमण र नयाँ भेरियन्ट ओमिक्रोनको बढ्दो दरलाई ध्यानमा राखेर यस्तो निर्णय गरिएको अथोरिटीले जनाएको छ । 

भारतीय स्वास्थ्य मन्त्रालयले भारतमा अहिलेसम्म ओमिक्रोन भेरियन्टका २१३ संक्रमित फेला परेको र त्यसमध्ये धेरै ५७ जना दिल्लीमा फेला परेको जनाएको थियो । 

दिल्ली सरकारको तर्फबाट बुधबार जारी तथ्यांकअनुसार कोरोना संक्रमणका १२५ नयाँ संक्रमित थपिएका छन् । अहिले त्यहाँ ६२४ सक्रिय संक्रमित रहेका छन् । 



केही दिन पहिला मुख्यमन्त्री अरविन्द केजरीवालले दिल्ली ओमिक्रोनसँग लड्न तयार रहेको बताएका थिए । अधिकारीहरूले दिल्लीमा क्रिसमस र नयाँ वर्षको अवसरमा उल्सासमय ठूला कार्यक्रम गर्न रोक लगाएको जनाएका छन् । 

अथोरिटीले सबै जिल्लाका अधिकारीलाई आफ्नो क्षेत्रमा संक्रमण रोक्नका लागि जरुरी कदम उठाउन आदेश दिएको छ । कसैलाई पनि विना मास्क हिँड्न र कुनै पनि क्षेत्रमा जान नदिन निर्देशन जारी गरिएको छ ।   

  • प्रकाशित मिति : पुस ८, २०७८ बिहीबार ८:११:४१,   अन्तिम अपडेट : पुस ८, २०७८ बिहीबार ८:१३:१५

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया