सहिद स्मारक ए डिभिजन लिगअन्तर्गत शनिबारकाे पहिलाे खेलमा हिमालयन शेर्पा क्लबले च्यासल युथ क्लबमाथि ३-१ काे जित हात पारेकाे छ ।
त्रिपुरेश्वरस्थित दशरथ रंगशालामा हिमालयनलाई जित दिलाउन मुताम्बा पिस्टाेन भुनयाेलीले २ र सुरेश कुमालले १ गाेल गरे ।
च्यासलका लागि रूमेश बर्ताैलाले एक गाेल फर्काए ।
खेलकाे २५ औं मिनेटमा मुताम्बाले हिमालयनलाई अग्रता दिलाएका थिए ।
५६ औं मिनेटमा मुताम्बाले नै व्यक्तिगत तथा टाेलीका लागि दोस्रो गाेल गरे ।
७५ औं मिनेटमा रूमेशले गाेल गर्दै खेललाई २-१ काे अवस्थामा ल्याए ।
८० औं मिनेटमा सुरेशले गाेल गरेपछि हिमालयनले ३-१ काे जित दर्ता गरेकाे हाे ।
याेसँगै लगातार दोस्रो जित हात पारेकाे हिमालयन ६ खेलमा ८ अंक जाेड्दै छैटौं स्थानमा उक्लिदा च्यासल ४ अंकका साथ १३ औं स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।