अफगानिस्तान स्वतन्त्र राष्ट्र हाे, अमेरिकी हस्तक्षेप स्वीकार्य छैन : शेर माेहम्मद अब्बास
फरकधार / १२ पुस, २०७८

तालिबान सरकारका विदेशी राजनीतिक मामिलाका उपमन्त्री शेर मोहम्मद अब्बास स्टानिकजईले अमेरिकाले अफगानिस्तानको आन्तरिक मामिलामा हस्तक्षेप गर्न नहुने बताएका छन् ।



आइतबार एक सभामा अफगानिस्तान एक स्वतन्त्र देश भएकाले बाह्य हस्तक्षेप स्वीकार्य नहुने बताएका हुन् ।

उनले भने, ‘दुश्मनले यो सोच्न हुँदैन कि अफगानिस्तान ४० वर्षको युद्धबाट कमजोर भएको छ । आवश्यक पर्यो भने हामीसँग अझै ४० वर्ष लड्ने क्षमता छ।’

बितेको चार दशकपछि अफगानिस्तानले स्वतन्त्र रूपमा आफ्नो निर्णय आफै लिन पाएको पनि बताए ।



उनले अफगानी नागरिकले आर्थिक समस्याका कारण सयौँले दिनहुँ देश छाडेको स्वीकार्दै छिमेकी देशसँग शरणार्थीहरूका लागि सीमा खोल्न तथा भिसाको नियम लागू गर्न पनि अनुरोध गरेका छन् ।

अफगानिस्तानमा तालिबान सरकार आएसँगै महिलाको अवस्था निकै नाजुक भएको अधिकारकर्मीहरूले जनाएका छन् ।

हालचालै तालिबानले ७२ किलोमिटरभन्दा धेरै दुरी यात्रा गर्न महिलाको साथमा नातेदार पुरुष हुनुपर्ने नियम ल्याएको छ । यस नियमअनुसार महिलाले एक्लै यात्रा गर्न पाउने छैनन् ।

  • प्रकाशित मिति : पुस १२, २०७८ साेमबार १२:३८:५०,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया