अमेरिकाको एक विद्यालय शिक्षिकाले यात्रा गर्ने क्रममा कोरोना पोजेटिभ भएको थाहा पाएपछि जहाजको शौचालयमा पाँच घन्टा बिताएकी छन् । उनले आफूखुसी नै शौचालयमा पाँच घन्टा बिताएकी हुन्।
ती शिक्षिकाको नाम हो- मारिया फोशियो । डिसेम्बर २० मा उनी सिकागोबाट आइसल्यान्ड जाँदै थिइन् । सोही क्रममा उनको घाँटी दुख्न थाल्यो । उनको साथमा भएको र्यापिड टेस्ट किटबाट कोरोना परीक्षण गर्दा पोजेटिभ देखियो ।
पोजेटिभ देखिएपछि उनले आफूलाई आइसोलेसनमा राख्ने फैसला गरिन् र यात्राको बाँकी समय शौचालयमा बिताइन् ।
मारिसाले भनिन्, ‘त्यो पागल बनाउने अनुभव थियो । फ्लाइटमा १५० मानिस थिए । मलाई उनीहरू पनि कतै संक्रमित हुने हुन् कि भन्ने डर थियो । त्यसैले म विमानको शौचालयमा पाँच घन्टा बसेँ ।’
उनले शौचालयमा बसेको बेला आफूलाई कुनै पनि कुराको असुविधा नभएको पनि बताइन्।
उनी आइसल्यान्डमा उत्रिएर रेड क्रस होटलमा आइसोलेसनमा बसेकी थिइन्।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
