एसिसी यु-१९ एसिया कपकाे उपाधि भारतले हात पारेकाे छ ।
भारतले शुक्रबार भएकाे फाइनलमा श्रीलंकालाई हराउँदै आठाैंपटक यु-१९ एसिया कपकाे उपाधि उचालेकाे हाे ।
वर्षाले प्रभावित भएपछि ३८ ओभरमा झारिएकाे खेलमा डकवर्थ लेविस पद्धतिअनुसार भारतले १०२ रनकाे लक्ष्य प्राप्त गरेकाे थियाे ।
उत्त लक्ष्य भारतले २१.३ ओभरमा मात्र १ विकेट गुमाउँदै भेट्टायाे ।
भारतका लागि अविजित रहेका अंक्रिस रधुवंशीले ५६ र शइक राशिदले ३१ रनकाे याेगदान दिए ।
६७ बलकाे सामना गरेका रधुवंशीले ७ चाैका प्रहार गरे ।
श्रीलंकाका लागि एक मात्र विकेट यासिरु रोड्रिगोले लिए ।
यसअघि दुबईमा टस जितेर पहिले ब्याटिङ गरेको श्रीलंकाले निर्धारित ३८ ओभरमा ९ विकेट गुमाएर १०६ रन बनाएकाे थियाे ।
श्रीलंकाका लागि यासिरु रोड्रिगोले अविजित रहँदै सर्वाधिक १९ रन जाेडे ।
रभिन डी सिल्भाले १५ तथा सदिशा राजापाक्षे र मथिस पाथिरानाले १४-१४ रन बनाए ।
भारतका लागि विक्की ओस्तवालले ३, कुशल ताम्बेले २ तथा राजविन्दर हन्गर्गकर, रविकुमार र राज बावले १-१ विकेट हात पारे ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
