सहिद स्मारक ए डिभिजन लिगअन्तर्गत शनिबारको खेलमा थ्रीस्टार क्लब विजयी भएको छ ।
थ्रीस्टारले त्रिपुरेश्वरस्थित दशरथ रंगशालामा जावलाखेल युथ क्लबमाथि २-१ को रोमाञ्चक जित हात पारेको हो ।
थ्रीस्टारको जितमा आयुष घलान र रितिककुमार खड्काले १-१ गोल गरे ।
जावलाखेलका लागि निकोलस फर्नान्डेजले १ गोल फर्काए ।
खेलको सातौं मिनेटमा आयुषले गोल गर्दै थ्रीस्टारलाई अग्रता दिलाएका थिए ।
२६ औँ मिनेटमा रितिकले टोलीको अग्रता दोब्बर बनाए ।
५५ औँ मिनेटमा फर्नान्डेजले गोल गर्दै जावलाखेललाई २-१ को अवस्थामा ल्याए ।
त्यसपछि दुवै टोलीबाट गोल हुन नसक्दा थ्रीस्टार विजयी भएको हो ।
यो जितसँगै ७ खेलमा १० अंक जोडेको
थ्रीस्टार लिगको पाँचौं स्थानमा उक्लिँदा जावलाखेल ७ अंकका साथ नवौं स्थानमा छ ।
फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
