सहिद स्मारक ए डिभिजन लिगअन्तर्गत शनिबारकाे दोस्रो खेलमा मनाङ मर्स्याङ्दी क्लब विजयी भएकाे छ ।
मनाङले पाेखरा रंगशालामा च्यासल युथ क्लबमाथि ५-० काे फराकिलाे जित हात पारेकाे हाे ।
मनाङलाई जित दिलाउन ओलावाले अफिजले ह्याट्रिक पूरा गर्दा एडिलाजा सोमिडे र दिनेश राजवंशीले १-१ गाेल गरे ।
खेलको तेस्रो मिनेटमा सोमिडेले गोल गर्दै मनाङलाई अग्रता दिलाएका थिए ।
४३ औं मिनेटमा अफिजले मनाङकाे अग्रता दोब्बर बनाए ।
८६ औं दिनेशले गाेल गर्दा मनाङ ३-० ले अगाडी बढ्याे ।
थप गरिएकाे समयमा दुई गाेल गर्दै अफिजले आफ्नो ह्याट्रिक पूरा गरेपछि मनाङले फराकिलाे जित हात पारेकाे हाे ।
याे नतिजासँगै मनाङ ८ खेलमा १९ अंक जाेडेर दोस्रो तथा च्यासल ५ अंकका साथ १३ औं स्थानमा कायम छन् ।
फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
