राष्ट्रिय क्रिकेट टोलीका अल राउन्डर करण केसी नेपाल पुलिस क्लबमा आबद्ध भएका छन् । नेपाल पुलिस क्लबका प्रशिक्षक मनोज कटवालले करण पुलिसमा आबद्ध भएको पुष्टि गरे ।
‘नेपाल राष्ट्रिय क्रिकेट टिमको सर्वोत्कृष्ट अलराउन्डर करण केसी नेपाल पुलिस क्लबमा आबद्ध हुनुभएकोमा उहाँलाई हृदयदेखि स्वागत गर्दछौँ,’ उनले सामाजिक सञ्जालमा लेखेका छन् ।
२६ पुसबाट सुरु हुने प्रधानमन्त्री कप राष्ट्रिय टी–२० प्रतियोगिताका लागि उनी पुलिसमा आबद्ध हुने भएका हुन् ।
हाल पुलिसमा दीपेन्द्र सिंह ऐरी, कप्तान मन्जित श्रेष्ठ, कुशल भुर्तेल लगाबयतका खेलाडी अनुबन्ध छन् ।
यसअघि प्रतियोगिता एकदिवसीय फर्म्याटमा हुँदै आए पनि यसपटक टी–२० फर्म्याटमा हुन लागेको हो ।
नेपाली टिमले ओमानमा हुने आइसिसी टी–ट्वान्टी ग्लोबल छनोट खेल्ने भएसँगै नेपाल क्रिकेट संघ (क्यान)ले प्रतियोगिता टी–२० फर्म्याटमा गरेको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।