पोखरामा जारी दोस्रो संस्करणको टाइगर कप भलिबलमा न्यू डायमन्ड स्पोर्ट्स क्लबले लगातार दोस्रो जित हात पारेको छ ।
न्यू डायमन्डले मंगलबार पोखरा रंगशालाको भलिबल कोर्टमा आयोजक टाइगर ग्रुप अफ पोखरामाथि ३–० को सोझो सेटमा जित हात पारेको हो ।
न्यू डायमन्डले खेल २५–१९,२५–१३ र २५–१६ ले आफ्नो पक्षमा पार्यो । यो जितसँगै २ खेलमा ६ अंक जोड्दै शीर्ष स्थानमा उक्लिँदा टाइगर ग्रुपले हारबाट प्रतियोगिताको सुरुवात गरेको छ ।
न्यू डायमन्डले पहिलो खेलमा विभागीय टोली त्रिभुवन आर्मी क्लबमाथि ३–१ सेटको जित हात पारेको थियो । पुरुषतर्फ आजै भएका खेलमा विभागीय टोली नेपाल पुलिस क्लब र त्रिभुवन आर्मी क्लबले पनि जित हात पारेका छन् ।
पुलिसले साविक विजेता गण्डकी प्रदेशलाई ३–० को सोझो सेटमा पराजित गर्दा विभागीय डर्बीमा आर्मीले नेपाल एपिएफ क्लबमाथि ३–१ सेटको जित हात पार्यो । महिलातर्फ विभागीय डर्बीमा त्रिभुवन आर्मी क्लबले नेपाल एपिएफ क्लबमाथि ३–१ सेटको जित हात पारेको थियो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।