मंगलबार मधेस प्रदेशमा सार्वजनिक बिदा हुने भएको छ । प्रदेशले स्थायी मुकाम (राजधानी) र नाम पाएपछि प्रदेश सरकारले प्रदेशभरि सार्वजनिक बिदा दिएको हो ।
प्रदेश सरकारका प्रवक्ता समेत रहेका अर्थमन्त्री शैलेन्द्रप्रसाद साहले मंगलबार प्रदेशमा सार्वजनिक बिदा दिने निर्णय भएको जानकारी दिएका छन्।
संघीयता कार्यान्वयन भएको झण्डै चार वर्षपछि ‘प्रदेश २’ले नाम ‘मधेस प्रदेश’ र राजधानी जनकपुरधाम पाएको छ ।
सोमबारको प्रदेशसभामा भएको मतदानमा प्रदेशको नाम ‘मधेश प्रदेस’मा ८० जनाले र स्थायी राजधानी जनकपुरधाम राख्ने प्रस्तावमा ७८ जनाले मतदान गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
