जनकपुरधाममा एकै दिन ९५ जनामा कोरोना संक्रमण पुष्टि भएको छ । प्रादेशिक जनस्वास्थ्य प्रयोगशाला जनकपुरमा १५५ जनाको नमुना परीक्षण गर्दा ९५ जनामा कोरोना संक्रमण पुष्टि भएको प्रयोगशालाका निर्देशक डा. श्रवणकुमार मिश्राले जानकारी दिए ।
उता, वीरगञ्जस्थित नारायणी अस्पतालमा ५१ जनाको नमूना परीक्षण गर्दा ३६, मलंगवा अस्पतालमा ३० जनाको नमूना परीक्षण गर्दा २१, रौतहटको गौर अस्पतालमा १४ जनाको नमुना परीक्षण गर्दा ५ र सिरहा अस्पतालमा ५ जनाको नमूना परीक्षण गर्दा ३ जनामा कोरोना संक्रमण पुष्टि भएको हो ।
मधेस प्रदेशमा अहिले १ हजार ५१८ जना संक्रमितहरू होम आइसोलेसनमा रहेका छन् भने ३ जना संस्थागत आइसोलेसनमा र ३ जना आइसीयुमा उपचाररत छन् ।
मधेस प्रदेशका प्रदेशस्तरीय अस्पतालमा आइसोलेसन बेड १ हजार ६८०, एचडीयू बेड ६९५, आइसीयु बेड ३९६, भेन्टिलेटर १२४, अक्सिजन सिलिन्डर २ हजार ३६८, अक्सिजन कन्सनट्रेटर ३६ र अक्सिजन प्लान्ट ८ वटा रहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।