युक्रेनमा रुसी सेनाले आक्रमण गर्ने सम्भावना बढ्दै गएपछि अमेरिकाले साढे ८ हजार सैनिकलाई हाई अलर्टमा राखेको छ ।
पेन्टानले युक्रेनको सीमामा तनाव बढेका कारण साढे ८ हजार अमेरिकी सैनिकलाई युद्धको लागि पूर्णरुपमा तयार अवस्थामा राखेको जनाएको हो ।
अमेरिका युद्धको तयारी गरिरहेको भएपनि उसले युक्रेनमाथि रुसले ठूलो आक्रमण नगर्ने बताएको छ ।
रुसले पछिल्लो समय युक्रेनको सीमा एक लाखभन्दा बढी सैनिक तैनाथ गरेको छ ।
पश्चिमी देशहरुले युक्रेन मामिलामा एउटै रणनीति अपनाउने निर्णय गरेका छन् । अमेरिकी राष्ट्रपति जो बाइडेनले सोमबार युरोपेली सहयोगी राष्ट्रका समकक्षीसँग युक्रेनका विषयमा भिडियो कन्फ्रेन्समा छलफल गरेका थिए ।
नेटोेले र्यापिड रिएक्सन फोर्स सक्रिय गर्ने वित्तिकै तयारी अवस्थामा राखिएको अमेरिकी सैनिक तैनाथ गरिने पेन्टागनका प्रेस सचिव जोन किर्बीले बताएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
