भारतीय टिमका पूर्व क्रिकेटर गौतम गम्भीर कोरोना भाइरस संक्रमित भएका छन् । पूर्व ओपनर ब्याट्सम्यान गम्भीरले ट्वीटरमार्फत आफूलाई कोरोना संक्रमण भएको जानकारी दिएका हुन् ।
हल्का लक्षण देखिएपछि कोरोना परीक्षण गराउँदा रिपोर्ट पोजेटिभ आएको उनले बताए । उनले आफ्नो सम्पर्कमा आएका व्यक्तिलाई कोरोना परीक्षण गराउन आग्रह गरेका छन् ।
कोरोना संक्रमित भएको जानकारी दिँदै गम्भीरले ट्विटमा भनेका छन्, ‘सामान्य लक्षण देखेपछि मलाई कोरोना संक्रमण भएको पाइयो । मेरो सम्पर्कमा आएका सबैलाई आफ्नो परीक्षण गराइदिनुहुन अनुरोध छ । सुरक्षित रहनुहोस् ।'
गत वर्ष नोभेम्बरमा परिवारका एक सदस्यमा कोरोना संक्रमण भएपछि गम्भीरले आफूलाई घरमै आइसोलेसनमा राखेका थिए । ओमिक्रोन भेरियन्टका कारण भारतमा कोरोनाको तेस्रो लहरको प्रकोप जारी छ । संक्रमितहरू द्रुत गतिमा बढिरहेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
