राष्ट्रियसभा सदस्यको रिक्त १९ पदका लागि भइरहेको चुनावको मतदान कार्य जारी छ । निर्वाचनअन्तर्गत सातै प्रदेशमा कायम रहेका आठ मतदानस्थल र १४ केन्द्रमा दिउँसो ३ बजेसम्म मतदान हुनेछ । राष्ट्रियसभा सदस्य निर्वाचनका लागि दुई रङको मतपत्रको व्यवस्था गरिएको छ । ४३ जना उम्मेदवार चुनावी मैदानमा छन् ।
रातो रङ पालिका प्रमुख उपप्रमुखका लागि र हरियो रङको मतपत्र प्रदेशसभा सदस्यका लागि व्यवस्था गरिएको छ । निर्वाचनको परिणाम आजै रातिसम्म आउने निर्वाचन आयोगले जनाएको छ । निर्वाचनमा सत्ता गठबन्धन र प्रमुख प्रतिपक्षी दलले आआफ्नो समीकरण बनाएर उम्मेदवार बनाएका छन् ।
आगामी २० फागुनमा नेकपा एमालेका आठ, नेकपा एकीकृत समाजवादीका चार, नेकपा माओवादी केन्द्रका चार र नेपाली कांग्रेसका तीन राष्ट्रियसभा सदस्यको पदावधि समाप्त हुने भएकाले रिक्त स्थानका लागि निर्वाचन हुन लागेको हो । सदस्यको पदावधि समाप्त हुनु ३५ दिनअघि नै निर्वाचन गर्नुपर्ने प्रावधान छ ।
तस्बिरमा राष्ट्रियसभा निर्वाचनको मतदान :
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
