रुसमा गत २४ घण्टाको अवधिमा कोरोना महामारी सुरु भएयताकै बढी संक्रमित भेटिएका छन् । पछिल्लो २४ घण्टामा रुसमा १ लाख ५५ हजारभन्दा बढी व्यक्तिमा कोरोना पुष्टि भएको हो ।
यो संख्या कोरोना महामारी सुरु भएयताकै बढी हो । यो अवधिमा रुसमा ६६५ जना संक्रमितको मृत्यु भएको छ । हालसम्म रुसमा कोरोनाबाट ३ लाख ३३ हजार व्यक्तिको मृत्यु भएको छ ।
रुसमा सबैभन्दा बढी राजधानी मस्को प्रभावित भएको छ । अहिले देखिएका सङ्क्रमितमा पनि पछिल्लो समयमा सबैभन्दा बढी मस्कोमा नै भेटिएका छन् ।
यहाँ ओमिक्रोन भेरियन्ट पहिलेका वेभहरूको तुलनामा बढी नै फैलिएको स्वास्थ्य अधिकारीहरूले जनाएका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
