हिमपातका कारण बाटोमै फसेका जुम्लाको तातोपानी गाउँपालिका-८ टोप्ला गाउँका ५५ जनाका लागि हेलिकोप्टरमार्फत राहत पुर्याइएको छ । जडीबुटी संकलनका लागि गएका उनीहरू घर आउन नपाउँदै बाक्लो हिउँ परेपछि जुम्लाको सीमाना पर्ने गाग्राको ऐडी ओडारमा फसेका थिए ।
केही मानिसहरू हिउँमा फसेको भन्ने खबरको आधारमा आज प्रदेश सरकारको सहयोगमा हेलिकोप्टरमार्फत राहत पुर्याइएको स्थानीय बासिन्दा सुरतबहादुर शाहीले जानकारी दिए । हिउँ पहिरोमा परेर तातोपानी-७ मा एक जना पुरुष र तातोपानी-८ की एक जना महिलाको मृत्यु भएको उनले जानकारी दिए ।
अत्यधिक हिमपातका कारण उद्धार गर्न समस्या भएपछि कर्णाली प्रदेश सरकारको सहयोगमा आवश्यक लत्ताकपडा र खाद्यान्न लगायतका सामग्री पठाएको जुम्लाकी प्रमुख जिल्ला अधिकारी विजयाकुमारी प्रसाईलेलजानकारी दिइन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
