पूर्वप्रधानमन्त्री तथा जनता समाजवादी पार्टीका नेता डा. बाबुराम भट्टराई आफ्ना पुराना सहकर्मी नेकपा माओवादी केन्द्रका अध्यक्ष पुष्पकमल दाहाल प्रचण्डमाथि व्यंग्य गरेका छन् ।
प्रचण्ड र प्रधानमन्त्री तथा नेपाली कांग्रेसका सभापति शेरबहादुर देउवाले अमेरिकी सहयोग परियोजना एमसिसीलाई लेखेको पत्र बाहिर आए पछि भट्टराईले यो व्यंग्य गरेका हुन् ।
उनले सामाजिक सन्जाल ट्विटरमा भित्र भित्र राष्ट्रघात र बाहिरबाहिर राष्ट्रवाद गरेको भन्दै भित्र खाओवाद र बाहिर माओवाद भएको लेखेका छन् ।
भट्टराईले लेखेका छन्, ‘माछा देखे भित्र हात, सर्प देखे बाहिर हात !’
उनले नेपाली राजनीति जबसम्म यस्तो प्रवृत्तिबाट मुक्त हुँदैन, तबसम्म देश नबन्ने पनि उल्लेख गरेका छन् । अनि उनले एमसिसी अहिले जसरी चर्चामा आएको छ, त्यसको परिणाम गम्भीर हुनसक्ने पनि उल्लेख गरेका छन् ।
उनको ट्विट–
भित्रभित्र राष्ट्रघात बाहिरबाहिर राष्ट्रवाद! माछा देखे भित्र हात,सर्प देखे बाहिर हात ! भित्र खाओवाद बाहिर माओवाद! नेपाली राजनीति जबसम्म यो पाखण्डी दुइजिभ्रे प्रवृत्तिबाट मुक्त हुॅदैन तबसम्म देश बन्दैबन्दैन।MCCजुन ढंगले गिजोलिदैछ त्यसको परिणाम गम्भीर हुनसक्छ! अति भए खति हुन्छ है!
— Baburam Bhattarai (@brb1954) February 6, 2022
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
