रूपन्देहीको बुटवल तामनगरमा भएको कार दुर्घटनामा तीनजनाको मृत्यु भएको छ । सडकमा रोकिराखेको ट्रकमा ठोक्किँदा कारमा सवार तीनजनाको मृत्यु भएको हो । प्रहरीका अनुसार दुर्घटनामा कारमा सवार थप दुईजना गम्भीर घाइते भएका छन् ।
बुटवल उपमहानगरपालिका–१२ तामनगर नजिक पूर्व-पश्चिम राजमार्गमा रोकिराखेको लु २ ख ९७७२ नम्बरको ट्रकमा लु ३ च ४४४२ नम्बरको कार सोमबार बिहान ट्रकमा ठोक्किएको थियो ।
प्रहरीका अनुसार दुर्घटनामा एकजनाको घटनास्थलमै र दुईजनाको उपचारको क्रममा अस्पतालमा मृत्यु भएको हो ।
घाइतेको लुम्बिनी प्रादेशिक अस्पताल बुटवलमा उपचार भइरहेको छ । इलाका प्रहरी कार्यालय बुटवलका अनुसार मृतक र घाइतेको सनाखत हुन बाँकी छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।