पउल कोलिङउड इंग्ल्यान्ड पुरुष क्रिकेट टोलीको अन्तरिम प्रशिक्षकमा नियुक्त भएका छन् । इंग्ल्यान्ड एन्ड वेल्स क्रिकेट बोर्डले सोमबार पूर्वअलराउण्डर पउललाई अन्तरिम प्रशिक्षक नियुक्त गरेको जनाएको हो ।
पउलले आगामी मार्चमा हुने वेस्ट इन्डिजविरुद्धको टेस्ट सिरिजमा टोली सम्हाल्नेछन् । इंग्ल्यान्डले अस्ट्रेलियाविरुद्धको एसेज सिरिज गुमाएपछि गत हप्ता मुख्य प्रशिक्षक क्रिस सिल्भरउडलाई बर्खास्त गरेको थियो ।
इंग्ल्यान्डले एसेज सिरिज ४–० ले गुमाएको थियो । क्रिस २०१९ मा मुख्य प्रशिक्षक नियुक्त भएका थिए । उनको नेतृत्वमा इंग्ल्यान्डले २९ टेस्ट खेल्दा १० मा जित निकाल्यो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
