बैतडीमा हत्याको आरोपमा एक महिलालाई प्रहरीले पक्राउ गरेको छ । दोगडाकेदार गाउँपालिका २ मल्लागाउँकी ५५ वर्षीया नारु महरालाई प्रहरीले पक्रउ गरेको हो ।
महरालाई आफ्नै सौता ४० वर्षीया चन्द्रा महराको हत्या गरेको आरोपमा पक्राउ गरिएको हो । चन्द्राका माइती पक्षले दिएको जाहेरीका आधारमा नारुलाई पक्राउ गरिएको इलाका प्रहरी कार्यालय पाटनका प्रमुख प्रहरी निरीक्षक राजेश शाहीले जानकारी दिए ।
पक्राउ परेकी नारुले बयानका क्रममा सौताको हत्या गरेको स्वीकार समेत गरेको शाहीले बताए । घटनाबारे थप अनुसन्धान भइरहेको प्रहरीले जनाएको छ ।
यही माघ १८ गते घरनजिकैको बाँझो घरमा चन्द्रा मृत फेला परेकी थिइन् । चन्द्राको घाँटी र मुखमा चोट रहेको थियो ।
नारुले घटनाअघि पनि चन्द्रालाई कुटपिट गर्ने गरेको प्रहरी अनुसन्धानबाट खुलेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
