क्यानडाका प्रधानमन्त्री जस्टिन ट्रुडोले कडा आदेश जारी गरेका छन् । प्रधानमन्त्री ट्रुडोले संकटकालसहितको विशेष आदेश जारी गरेको बिबिसीले जनाएको छ ।
कोरोना खोप अनिवार्य गरेको विरोधमा ट्रक चालकहरूले गरेको आन्दोलन रोक्न संकटकाल घोषणा गरे पनि प्रभावकारी नभएपछि उनले नयाँ आदेश जारी गरेका हुन् । यस्तो आदेश क्यानडाको इतिहासमै अहिलेसहित दुईपटक मात्र जारी गरिएको छ ।
यो आदेशअनुसार आन्दोलनमा सहभागीहरूको बैंक खाता फ्रिज समेत गर्न सकिन्छ । अदालतको आदेशविनै प्रदर्शनकारीलाई जेल र जरिबाना गर्न सक्ने आदेश अस्थायी रहेको र विशिष्ट रूपमा प्रयोग हुने प्रधानमन्त्री ट्रुडोले बताए ।
क्यानडाको राजधानीमा ट्रक चालकको आन्दोलनका कारण जनजीवन र यातायात सेवा नराम्रोसँग प्रभावित भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।