नेकपा एमाले नेता भीम रावलले भारतीय कम्पनी जीएमआरको म्याद थप गर्न लागेको भन्दै आपत्ति जनाएका छन् ।
माथिल्लो कर्णाली परियोजनाको विकासकर्ताका रूपमा रहेको जीएमआरको म्याद सरकारले दुई वर्ष थप गर्न लागेको भन्दै उनले आपत्ति जनाएका हुन् ।
उनले बिहीबार एक विज्ञप्ति निकाल्दै प्रधानमन्त्री देउवाबाट सम्झौता विपरीत जीएमआर कम्पनीलाई दुई वर्ष म्याद किन थप्न लागेको भन्दै प्रश्न गरेका छन् ।
उनले १४ वर्षदेखि अलपत्र माथिल्लो कर्णाली जलविद्युत आयोजनामा भारतीय कम्पनी जीएमआरलाई थप समय दिनु राष्ट्रिय हित र सम्झौताका प्रावधान विपरीत हुने बताए ।
रावलले जीएमआरले आयोजना नबनाउने र केवल ओगटेर नेपालको ऊर्जा विकासमा अवरोध सिर्जना गरेको आरोप लगाए ।
माथिल्लो कर्णाली जलविद्युत् आयोजनामा जीएमआरलाई थप समय दिनु राष्ट्रिय हितमाथिको कुठाराघात हुने पनि उनको भनाइ छ ।
प्रधानमन्त्री देउवाबाट सम्झौता विपरीत जी एम आर कम्पनीलाई दुइ बर्ष म्याद थप किन ? वक्तव्य हेर्नुहोस् : pic.twitter.com/B3HDKgkCK0
— Dr. Bhim Rawal (@BhimRawal179) February 17, 2022
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
