आइसिसी टि–२० विश्वकप ग्लोबल छनोटअन्तर्गत जारी खेलमा नेपालले फिलिपिन्ससमक्ष २१९ रनको लक्ष्य प्रस्तुत गरेको छ ।
ओमानको अल अमरेत क्रिकेट मैदानमा टस हारेर ब्याटिङको निम्तो पाएको नेपालले निर्धारित २० ओभरमा ३ विकेट गुमाउँदै २१८ रन बनायो ।
नेपालका लागि कुशल भुर्तेल र दीपेन्द्रसिंह ऐरीले उत्कृष्ट प्रदर्शन गरे । १०४ रनमा अविजित रहेका कुशलले ६१ बलमा १३ चौका र १ छक्का प्रहार गरे ।
दीपेन्द्रले ४७ बलको सामना गर्दै ६ चौका र ६ छक्कासहित ८३ रन बनाए ।
कुशल मल्लले १२ रनको योगदान दिँदा लोकेश बम ६ रनमा अविजित रहे ।
कुशल भुर्तेल र दीपेन्द्रले तेस्रो विकेटका लागि १७१ रनको उत्कृष्ट साझेदारी गर्दै नेपालको पारी उकासेका थिए ।
फिलिपिन्सका लागि डानिल स्मिथ, मिगी पोडोस्की र गुरभुपिन्दर चौहानले समान १ विकेट लिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।