शहीद स्मारक ‘ए’ डिभिजन लिगमा आज १२ औं चरणको अन्तिम दुई खेल हुँदैछन् । त्रिपुरेश्वरस्थित दशरथ रंगशालामा हुने पहिलो खेलमा नेपाल पुलिस र नेपाल एपिएफ फुटबल क्लबबीच प्रतिस्पर्धा हुनेछ ।
यो विभागीय डर्बी दिउँसो १ बजे सुरु हुनेछ । दुवै टोली आजको खेलमा जित हात पार्दै अंक तालिका सुधार गर्ने योजनामा छन् । पुलिस ११ खेलमा ११ अंक जोडेर ११ औं स्थानमा तथा एपिएफ समान खेलबाट १४ अंकका साथ आठौं स्थानमा छन् ।
साँझ पौने पाँच बजे दशरथ रंगशालामै सुरु हुने दोस्रो खेलमा विभागीय टोली त्रिभुवन आर्मी फुटबल क्लबले संकटा क्लबको सामना गर्नेछ ।
११ खेलमा १९ अंक जोडेर चौथो स्थानमा रहेको आर्मी संकटालाई हराएर दोस्रो स्थानमा उक्लन चाहन्छ । ११ खेलमा १५ अंक जोडेर सातौं स्थानमा रहेको संकटा पनि आर्मीलाई हराएर शीर्ष पाँचमा उक्लने सोचमा छ ।
यो सिजनको उपाधि मछिन्द्रले जित्दा ब्रिगेड ब्वाइज र च्यासल युथ क्लब रेलिगेसनमा परिसकेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
