लोकतान्त्रिक समाजवादी पार्टी (लोसपा)ले अमेरिकी सहयोग अनुदान सहायता सम्झौता (एमसिसी)बारे निर्णय गर्ने अधिकार पार्टी अध्यक्ष महन्थ ठाकुरलाई दिएको छ ।
पार्टी कार्यालय बबरमहलमा बुधबार बसेको संसदीय दलको बैठकले उक्त निर्णय गरेको हो । बैठकमा एमसिसी सम्झौता सदनमा प्रवेश पाएपछि देशमा उत्पन्न घटनाक्रमबारे छलफल भएको थियो ।
बैठकले आफ्ना सांसदलाई संसदमा अनिवार्य उपस्थितिका लागि ह्विप जारी गर्ने निर्णय गरेको छ । लोसपा संसदीय दल १३ सदस्यीय छ ।
लोसपाले यसअघि एसिसीका पक्षमा वकालत गर्दै आएको छ । सो परियोजना नेपालको पूर्वाधार विकास र जनताको समृद्धिको पक्षमा रहेको लोसपाको ठहर छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
