स्पेनिस ला लिगाको लिग लिडर रियल मड्रिडले घरेलु टोली रायो भ्यालेकानोमाथि १–० को कठिन जित हात पारेको छ ।
गएराति स्टेडियो डि भ्यालेकसमा सम्पन्न खेलमा ८३ औं मिनेटमा करिम बेन्जिमाले गरेको एक मात्र गोल रियललाई जित दिलाउन पर्याप्त बन्यो ।
बेन्जोमाले भिनिसियस जुनियरको पासलाई सदुपयोग गरे । यो जितसँगै रियल २६ खेलमा ६० अंक जोडेर शीर्ष तथा पराजित भ्यालेकानो २५ खेलबाट ३१ अंकका साथ १२ औं स्थानमा यथावत छन् ।
लिगअन्तर्गत नै भएका अन्य खेलमा एटलेटिको मड्रिड, लभान्ते र भ्यालेन्सियाले जित हात पार्दा गेटाफेले एलाभेससँग बराबरी खेलेको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
