बाजुरा प्रहरीले कर्तव्य ज्यान मुद्दाका फरार प्रतिवादीलाई पक्राउ गरेको छ ।
पक्राउ पर्नेमा जिल्लाकाे खप्तड छेडेदह गाउँपालिका-२ घर भई धनगढी उपमहानगरपालिका-२ पुरानो सब्जीमन्डी बस्दै आएका ६८ वर्षीय मिनबहादुर सिंह रहेका छन् ।
प्रहरीले उनलाई मंगलबार धनगढीबाट पक्राउ गरेको हो ।
जिल्ला प्रहरी कार्यालय कैलालीका प्रवक्ता प्रहरी नायब उपरीक्षक वेदप्रकाश जोशीका अनुसार कर्तव्य ज्यान मुद्दामा जिल्ला अदालत बाजुराले उनलाई ९ वर्ष ३ महिना कैदको सजाय सुनाएको थियो ।
अदालतको फैसलापछि फरार रहेका सिंह पक्राउ परेपछि हिजो नै जिल्ला अदालतको अनुमति लिई कारागार चलान गरिएको जिल्ला प्रहरी कार्यालय बाजुराले जनाएको छ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
