पाँच तारे होटल सेन्ट्रल प्लाजाले आगामी चैतमा आयोजना हुने प्रधानमन्त्री कप महिला भलिबल प्रतियोगितालाई हस्पिटालिटी पार्टनरको रूपमा साथ दिने भएको छ ।
सेन्ट्रल प्लाजाका महाप्रबन्धक समिर भी कुमार र बाँके जिल्ला भलिबल संघका अध्यक्ष टिएस ठकुरीले शुक्रबार सम्झौता पत्रमा हस्ताक्षर गरे ।
सम्झौतावापत प्रतियोगितामा सहभागी हुने टोलीका खेलाडी तथा अफिसियलका लागि आवास तथा भोजनको व्यवस्थापन सेन्ट्रल प्लाजाले गर्नेछ ।
बाँके जिल्ला भलिबल संघको आयोजनामा हुने प्रतियोगिताको आठौं संस्करण चैत १० देखि १४ सम्म नेपालगन्ज रंगशालाको कभर्ड हलमा हुनेछ ।
नेपाल भलिबल संघको स्वीकृतिमा हुने प्रतियोगिता विगतका वर्षहरूमा भन्दा यसपटक कोराना महामारीका कारण केही समय ढिला हुन गएको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।