रसियन फुटबल युनियनले आफ्नो प्रतिबन्ध फुकुवाका लागि खेलकुदको सर्वोच्च न्यायिक निकाय कोर्ट अफ आर्बिट्रेसन अफ स्पोर्टस (कास) मा गरेको अपिल अस्वीकार भएको छ ।
युक्रेनमा आक्रमण गरेपछि विश्व फुटबलको सर्वोच्च निकाय फिफा र युरोपियन फुटबलको सर्वोच्च निकाय युइएफएले रुसमाथि प्रतिबन्ध लगाएका थिए ।
याे प्रतिबन्धपछि रुसले कासमा प्रतिबन्ध फुकुवाका लागि अपिल गरेको थियो । तर, कासले त्यसलाई अस्वीकार गरेको हाे ।
याे अपिल अस्वीकार भएसँगै रुसमाथिकाे प्रतिबन्ध यथावत रहनेछ ।
फिफा र युइएफएले रुसको राष्ट्रिय टाेलीसँगै क्लबलाई समेत सबै खाले प्रतियोगितामा प्रतिबन्ध लगाएका हुन् ।
प्रतिबन्धसँगै रुसले पोल्याण्डविरुद्ध हुने विश्वकप छनोट अन्तर्गत प्ले अफ खेल खेल्न पाउने छैन।
रुसी क्लब स्पार्तक मस्को पनि युरोपा लिगबाट बाहिरिएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
