पर्साको ठोरी गाउँपालिका-३ मा आइतबार बिहान टेम्पो दुर्घटना हुँदा चालकको घटनास्थलमै मृत्यु भएको छ ।
टेम्पोमा सवार अन्य २ जना सामान्य घाइते भएका छन् ।
मृत्यु हुनेमा पर्साको ठोरी गाँउपालिका-४ का अन्दाजी ३५ वर्षीय वीरबहादुर विश्वकर्मा रहेका छन् ।
घाइते भएका ठोरी गाउँपालिका-३ का खेल बहादुर विश्वकर्मा र विजय सुनारलाई उपचारको लागी स्थानीय मेडिकल पठाइएको छ ।
रामनगरबाट विजयवस्तीतर्फ जाँदै गरेको प्रदेश २-०३-००१ ह ६२८ नम्बरको टेम्पो आइतबार बिहान साढे ३ बजे नियन्त्रण गुमाएर पल्टिएको जिल्ला प्रहरी कार्यालय, पर्साले जनाएकाे छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।