टर्कीमाथि पोर्चुगलको शानदार जित, विश्वकपमा छनोट हुने सम्भावना जीवितै
फरकधार / ११ चैत, २०७८

विश्वकप युरोपेली छनोटअन्तर्गत प्ले अफमा जित हात पार्दै पोर्चुगल फाइनल प्रवेश गरेको छ । गएराति भएको खेलमा टर्कीलाई ३–१ ले हराउँदै पोर्चुगल युरोपेली छनोटको फाइनल प्रवेश गरेको हो । 



घरेलु मैदान स्टेडियो डो ड्रगाओमा भएको खेलमा पोर्चुगललाई जित दिलाउन ओटाभिओ, डिएगो जोटा र म्याथियस नुनेसले १–१ गोल गर्दा पाहुना टोलीका लागि बुराक यिल्माजले १ गोल फर्काए ।

खेलको १५ औं मिनेटमा ओटाभिओको गोलमार्फत पोर्चुगलले अग्रता लिएको थियो । ४२ औं मिनेटमा जोटाले पाहुना टोलीको अग्रता दोब्बर बनाए । ६५ औं मिनेटमा यिल्माजले खेललाई २–१ को अवस्थामा ल्याए । ८५ औं  मिनेटमा यिल्माज पेनाल्टीमा चुक्दा टर्कीले बराबरी गर्ने अवसर गुमाएको थियो ।



थप गरिएको समयमा नुनेसले गोल गरेपछि  पोर्चुगलले ३–१ को सहज जित निकाल्दै फाइनल यात्रा तय गर्‍यो । अब फाइनलमा पोर्चुगल र नर्थ म्यासेडोनियाले प्रतिस्पर्धा गर्नेछन् । यो खेलको विजेताले विश्वकपमा स्थान बनाउनेछ ।  



  • प्रकाशित मिति : चैत ११, २०७८ शुक्रबार ७:२७:५९,  

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यस विषयसँग सम्बन्धित समाचार

यो सामग्री सेयर गर्नुहोस्


यो पनि नछुटाउनुहोस्
मल्टिमिडिया