नेपाली राष्ट्रिय फुटबल टोली मैत्रीपूर्ण खेलमा थाइल्याण्डको शीर्ष डिभिजन क्लब चोनबुरी एफसीसँग पराजित भएको छ ।
चोनबुरी स्टेडियममा आइतबार भएको खेलमा नेपाल घरेलु टोलीसँग ३-१ ले पराजित भएको हो ।
खेलको २४औं मिनेटमा फान्थमित प्रफन्थले घरेलु टोलीलाई अग्रता दिलाएका थिए । ६५औं मिनेटमा रेनाटो केलिचले चोनबुरीको अग्रता दोब्बर बनाए ।
८३औं मिनेटमा दर्शन गुरूङले नेपाललाई २-१ को अवस्थामा ल्याए । थप गरिएको समयमा नट्टापोङले गोल गरेपछि चोनबुरीले ३–१ को सहज जित हात पार्यो ।
यसअघि थाइल्याण्डसँग मैत्रीपूर्ण खेलमा पनि नेपाल २–० ले पराजित भएको थियो । एएफसी एसियन कप छनोटको तेस्रो चरणको तयारीका लागि नेपाल मैत्रीपूर्ण खेल्न थाइल्याण्ड गएको हो ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
