नेपाली कांग्रेसका नेता प्रकाशमान सिंहले कांग्रेसभित्र बसेर कांग्रेसलाई नै कमजोर बनाउनेहरू पार्टीमा बस्नुको औचित्य नभएको बताएका छन् । उनले कांग्रेसमा बसेर पार्टी कमजोर बनाएर बस्नुभन्दा बाहिरिँदा राम्रो हुने पनि बताए ।
आज कांग्रेस काठमाडौं क्षेत्र–१ ले आयोजना गरेको कार्यक्रममा उनले यसपटक चुनावमा कांग्रेस नेता कार्यकर्ताहरूले गर्ने कामको एक/एक हिसाब राखिने पनि बताए । नेता सिंहले गठबन्धन जनताले दिएको म्यान्डेट नभए पनि परिस्थितिले र्सिजना गरेर मुलुकको आवश्यकता भएको पनि बताए ।
संविधान जोगाउन पनि गठबन्धन कायमै राखेर चुनावमा जानुपर्ने बाध्यात्मक अवस्था रहेकाले चुनावसम्मै गठबन्धन रहने उनले बताए । स्थानीय आवश्यकताका आधारमा गठबन्धन गरेर निर्वाचनमा जाने सिंहको तर्क छ ।
पार्टीभित्रका केहीले क्रान्तिकारी बनेर गठबन्धनविरुद्ध बोल्दा जनतामा अनावश्यक भ्रम छर्ने काम गरेको उनले बताए । पार्टीभित्र एकथरी समूह नियोजित रूपमा आफ्नो स्वार्थ पूरा नभएपछि चरित्र हत्या अभियानमा लागिरहेको पनि सिंहले बताए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
