जयनगर-जनकपुरधाम रेल्वेको उद्घाटन आज हुँदै
फरकधार / १९ चैत, २०७८

नेपालको एकमात्र रेल्वे सेवा आजदेखि सञ्चालनमा आउन लागेको छ।

नेपालका प्रधानमन्त्री शेरबहादुर देउवा र भारतीय समकक्षी नरेन्द्र मोदीले दिउँसाे साढे १२ बजे संयुक्त रूपमा रेल्वे सेवाको भर्चुअल रूपमा उद्घाटन गरेपछि रेल सेवा सञ्चालनमा आउन लागेकाे हाे ।

भारतको जयनगरमा रेल्वेलाई सजाउने कामसमेत पूरा भइसकेको नेपाल रेल्वे कम्पनीका महाप्रबन्धक निरञ्जन झाले जानकारी दिए । यसैगरी, जनकपुरधामस्थित रेल्वे स्टेसनमा मञ्च निर्माणको काम पनि पूरा भइसकेकाे छ ।



नेपाली समय साढे १२ वजे भारतको जयनगरस्थित नेपाली स्टेसनबाट रेलको उद्घाटन भई सञ्चालन हुनेछ । 



जयनगरबाट आउने रेलमा भौतिक पूर्वाधार तथा यातायातमन्त्री रेणु यादव जनकपुरधाम हल्टमा रेलमा चढ्नेछिन् । 

मन्त्री यादव चढेर कुर्थासम्मको यात्रा गरेपछि पुनः रेल जनकपुर आउने छ । जनकपुरधाम कार्यालय परिसरमा आयोजना हुने कार्यक्रममा मन्त्री यादवले सम्बोधन गर्नेछिन् ।

 

  • प्रकाशित मिति : चैत १९, २०७८ शनिबार ८:३२:३४,   अन्तिम अपडेट : चैत १९, २०७८ शनिबार ८:३६:४३

फरकधारमा प्रकाशित कुनै समाचारमा तपाईंको गुनासो भए हामीलाई news@farakdhar.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।


यो सामग्री सेयर गर्नुहोस्


यो पनि नछुटाउनुहोस्
मल्टिमिडिया