साताको दोस्रो दिनको कारोबारमा मंगलबार पनि सेयर बजार मापक नेप्से परिसूचकमा गिरावट आएको छ ।
सोमबार ४४.५६ अंकले घटेको मंगलबार पनि नेप्से परिसूचक ३४.७८ अंक घटेर २३८५.०१ बिन्दुमा झरेको छ ।
त्यस्तै, सेन्सेटिभ इण्डेक्स ५.७६ अंकले घटेको छ भने फ्लोट इण्डेक्स २.२५ अंक र सेन्सेटिभ फ्लोट इण्डेक्स १.६६ अंक घटेको छ ।
मंगलबार कारोबारमा आएका २३७ कम्पनीका ३७ लाख ८३ हजार २४ कित्ता सेयर १ अर्ब ५२ करोड ४३ लाख रुपैयाँ बराबरको सेयर खरिदबिक्री भएको छ।
सोमबारको तुलनामा नेप्से सूचकसँगै कारोबार रकम गिरावट आएको छ । सोमबार २ अर्ब २६ करोड ७ लाख ८६ हजार रुपैयाँ बराबरको सेयर खरिदबिक्री भएको थियो ।
नेप्सेका १३ उपसमूहमध्ये होटल तथा पर्यटन उपसमूहको सूचक बढेको छ । होटल तथा पर्यटन उपसमूहको सूचक ०.१० प्रतिशतले बढेको छ । त्यस्तै अन्य उपसमूहको सूचक सबैभन्दा बढी २.३२ प्रतिशतले घटेको छ ।
मंगलबार नेप्से सूचक ओरालो लागे पनि नेष्डो लघुवित्त वित्तीय संस्थाको सेयर सकारात्मक सर्किट लेभलमा कारोबार भएको छ ।
नेष्डो समृद्ध लघुवित्त सेयरमूल्य १० प्रतिशतल बढेको छ । तर यता इमर्जिङ्ग नेपाल, न्यादी हाइड्रोपावर, घलेम्दी हाइड्रो, राष्ट्र उत्थान लघुवित्त र हिमाल दोलखा हाइड्रोपावर सेयर मूल्य गिरावट आएको छ ।
कारोबार रकमका आधारमा ५ करोड ७५ लाख रुपैयाँ बराबरको सेयर खरिदबिक्री गरेर हिमालयन डिस्टिलरी शीर्ष स्थानमा रहेको छ । त्यस्तै दोस्रोमा नविल बैंकको ४ करोड ३४ लाख रुपैयाँको सेयर खरिदबिक्री भएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।