भारतको उत्तराखण्डका मुख्यमन्त्री पुष्करसिंह धामी र नेकपा एमालेका सांसद महेश बस्नेतबीच भेटवार्ता भएको छ । मुख्यमन्त्री धामी र सांद बस्नेतबीच भारतको देहराधुनमा भेटवार्ता भएको हो । भेटमा उनीहरूबीच भारतको उत्तराखण्ड र नेपालको सुदूरपश्चिम क्षेत्रमा धार्मिक पर्यटन विकासबारे छलफल भएको थियो ।
धामी र बस्नेतले एकअर्कालाई तुलसीको बिरुवासमेत दिएका थिए । मुख्यमन्त्री धामीले पशुपतिनाथको दर्शन गर्न नेपाल आउने इच्छा पनि व्यक्त गरेका छन् ।
मुख्यमन्त्रीको सचिवालयका अनुसार पूर्वमन्त्रीसमेत रहेका बस्नेतले नेपाल भ्रमण गर्न दिएको निम्तो धामीले स्वीकार गरेका थिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
