वीरेन्द्रनगर नगरपालिकाको प्रमुख पदमा नेकपा एमालेबाट बागी उम्मेदवारको समेत उम्मेदवारी परेको छ ।
टिकट वितरणमा एमालेले आफ्नालाई मात्र प्रश्रय दिएको बताउँदै एमालेका चिन्तामणि शर्माले नगरपालिकाको मेयर पदमा बागी उम्मेदवारी दिएका हुन् ।
पार्टीले एमालेबाट नगरको प्रमुख पदका लागि मोहनमाया ढकाललाई टिकट दिएको थियो । ढकालले पनि एमालेका तर्फबाट वीरेन्द्रनगर नगरपालिकाको प्रमुख पदका लागि उम्मेदवारी दर्ता गराएका छन् । उनी यसअघि नगरपालिकाको उपमेयर पदमा रही काम गरिसकेकी छिन् ।
पार्टीमा योगदान दिएका तथा राजनीतिक रूपमा सक्रिय अग्रज नेता हुँदाहुँदै पनि ढकाललाई टिकट दिएकोमा रुष्ट भएको वीरेन्द्रनगर एमालेको अर्को पक्षले बागी उम्मेदवारी दिएको हो ।
आफूलाई स्वतन्त्र उम्मेदवार बताउँदै शर्माले सोमबार मुख्य निर्वाचन अधिकृतको कार्यालय पुगेर आफ्नो उम्मेदवारी दर्ता गराएका हुन् ।
।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
