प्रधानमन्त्री एवं नेपाली कांग्रेसका सभापति शेरबहादुर देउवाले राष्ट्रिय आवश्यकताका आधारमा अहिलेको पाँचदलीय सत्ता गठबन्धन बनेको बताएका छन् । बुधबार विराटनगरमा नेपाली कांग्रेस मोरङले आयोजना गरेको चुनावीसभालाई सम्बोधन गर्दै प्रधानमन्त्री देउवाले यस्तो बताएका हुन् ।
‘म त चुनावकै पक्षमा थिएँ । सबैले ओलीलाई हटाऔँ भनेपछि मैले गठबन्धनको नेतृत्व गरेको हो’ उनले भने, ‘सबैले आग्रह गरेपछि म प्रधानमन्त्री भएको हुँ ।’
उनले अहिलेको पाँचदलीय गठबन्धन प्रजातन्त्रको मलजल गर्नका लागि बनेकाले कुनै पनि शंका उपशंका नगर्न आग्रह गरे ।
प्रधानमन्त्री देउवाले निर्वाचनमा गठबन्धनभित्र नेपाली कांग्रेसले धोका नदिने बताए ।
‘अहिलेको गठबन्धन प्रजातन्त्रलाई मलजल गर्नका लागि बनेको हो । त्यसैले गठबन्धनमाथि कुनै पनि शंका उपशंका नगर्नुहोला’ उनले भने, ‘गठबन्धनभित्र कांग्रेसले धोका दिँदैन । त्यसैले हामीले उचाल्ने पछार्ने काम गर्नु हुँदैन ।’
उनले विराटनगरमा मेयरका कांग्रेस र उपमेयरमा जसपाका उम्मेदवारलाई कत दिएर जिताउन आग्रह गरे । उनले विराटनगरले पहाडी र मधेशी मिलेको सन्देश दिएको बताउँदै मेयरमा कांग्रेस र उपमेयरमा जसपाको छाता चिन्हको उम्मेदवारलाई कत दिने कार्यकर्ताहरूलाई निर्देशन दिए ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
