नेपाली कांग्रेस चितवनका निवर्तमान सभापति जितनारायण श्रेष्ठले नेकपा माओवादी केन्द्रका अध्यक्ष प्रचण्डलाई आगामी दिनमा धोका नदिन आग्रह गरेका छन् । आज गठबन्धनको चुनावी सभालाई सम्बोधन गर्दै उनले पाँच दलीय गठबन्धन जिताउन कांग्रेस तयार भएपनि आगामी दिनमा धोका नदिन प्रचण्डसमक्ष आग्रह गरेका हुन् ।
‘हाम्रो सभापति सोझो हुनुहुन्छ, जे बोल्यो त्यही गर्नुहुन्छ । प्रचण्डलाई मेरो अनुरोध छ तपाईंले बोली नफेर्नुहोला,’ श्रेष्ठले भने, ‘गठबन्धनबाट रेनु दाहालजीसहित सबैलाई हामी जिताउँछौँ तर जितिसकेपछि कांग्रेसलाई धोका नहोस् ।’
उनले भरतपुर मात्रै नभएर चितवनका सबै पालिकामा गठबन्धनको जित सुनिश्चित रहेको दाबीसमेत गरे ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।
