धनुषाको जनकनन्दिनी गाउँपालिकाका निवर्तमान अध्यक्ष अब्दुल बारिक शेखको निधन भएको छ । विगत लामो समयदेखि क्यान्सर रोगबाट पीडित रहेका शेखको शनिबार बेलुकी साढे ८ बजे निधन भएको हो ।
जनकनन्दिनी गाउँपालिकामा जनप्रतिनीधिहरुमध्ये नेतृत्वकर्ताको भूमिकामा सदैव देखिएका शेखको निधनले सिँगो गाउँ नै शोकमा डुबेको छ ।
नेपाली कांग्रेसबाट ०७४ सालको स्थानीय तह निर्वाचनमा भारी मतले निर्वाचित भएका शेख आफ्नो कार्यकाल सफलतापूर्वक निर्वाह गर्ने जनप्रतिनिधिमध्येका एक थिए ।
शेखको पार्थिव शरीरलाई आइतबार बिहान इस्लाम रितिरिवाजअनुसार अन्तिम संस्कार गरिने परिवारजनले जनाएका छन् ।
शेखको निधनप्रति नेपाली कांग्रेसका नेताहरुले श्रद्धाञ्जली व्यक्त गरेका छन् ।
फरकधारमा प्रकाशित कुनै समाचारमा तपाईंको गुनासो भए हामीलाई farakdhar@gmail.com मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, इन्स्टाग्राम, युट्युबमा पनि जोडिन सक्नुहुन्छ ।